9.9 C
Zürich
Dienstag, November 17, 2026

Përmbyllet me sukses procesi i votimit në Bernë dhe Cyrih

Procesi i votimit për shtetasit e Republikës së Kosovës në Zvicër u përmbyll me sukses në qendrat e votimit pranë Ambasada e Republikës së Kosovës në Bernë dhe Konsullata e Republikës së Kosovës në Cyrih, duke u karakterizuar nga rendi, korrektësia dhe pjesëmarrja e lartë e bashkatdhetarëve.

Në Konsullatën e Kosovës në Cyrih u shënua një dalje shumë e lartë, me pjesëmarrje prej 89%, nga ora 07:00 deri në 19:00, çka dëshmon për vetëdijen e lartë qytetare dhe angazhimin demokratik të mërgatës kosovare në Zvicër. Në këtë proces, u vlerësua angazhimi i Konsullit Vigan Berisha, i shënuar nga gatishmëria, profesionalizmi dhe vigjilenca institucionale gjatë gjithë ditës.

Edhe procesi i votimit në Ambasadën e Kosovës në Bernë u zhvillua në mënyrë të rregullt dhe pa asnjë incident.

Një vlerësim i veçantë iu shpreh stafit të angazhuar në të dy qendrat e votimit – komisionerëve, vëzhguesve, stafit mbështetës dhe sigurimit – për profesionalizmin, përgjegjësinë dhe përkushtimin e treguar gjatë gjithë ditës së votimit, edhe përkundër motit të ftohtë dhe temperaturave pranë zeros.

Po ashtu, u vlerësua angazhimi institucional dhe koordinimi i vazhdueshëm me Komisioni Qendror i Zgjedhjeve, që kontribuoi në mbarëvajtjen transparente dhe të sigurt të procesit zgjedhor.

Në përfundim, u shpreh mirënjohje për të gjithë bashkatdhetarët që morën pjesë në votim, duke dëshmuar edhe një herë pjekuri demokratike dhe përkushtim ndaj ushtrimit të së drejtës së votës.