Arbëreshët në shtëpinë time
U ngjit gazetari i njohur vetetan
Shkallëve të banesës së tij,
Për të më sjellë të çmueshmen dhuratë:
“Arbëreshët fotosintezë e shpirtit tim”.
Mora me mbështjellësen si të ishte picë
E si i thonë arbëreshët bukëvalë,
Seç më vije në mend varg i poetit:
“Edhe pa qenë në Kosovë malli më ka marrë!”
Arbëreshët i solla në shtëpi
Me jetën zakonet e vendbanimet,
Përpara se të hynin në shtëpi
Hyjnë në zemrën time.
Albumin Arbëresh e shfletova
I bukur ky libër mozaik,
Kaluan shekuj malli e koha e tregoi
Se jemi gjak i tyre e është gjaku ynë.
