Zyra Federale e Statistikave (BFS) ka publikuar të dhënat më të reja mbi gjendjen e gjuhëve në shtetin e Zvicrës, konkretisht përhapjen e gjuhëve që fliten në këtë vend, që nga viti 2010 deri 2020. Nga broshura përkatëse që ka publikuar BFS, është konstatuar përqindja e folësve të gjuhëve të huaja në Zvicër, e cila është në raport të drejtpërdrejtë me rritjen apo ndryshimin e popullsisë së huaj në këtë vend. Gjuhët jokombëtare më të folura ishin gjuhët ballkanike në vitin 2000, siç janë: gjuha serbe, kroate dhe ajo shqipe. Megjithatë, në 2020 gjuha angleze ishte në krye (6.7%), krahas gjuhës portugeze që ishte (3.5%), gjuhës shqipe (2.8%) dhe gjuhës spanjole (2.4%), kurse gjuha boshnjake, kroate,serbe dhe malazez e përbënin të gjithën (2.4%). Gjuha angleze si zakonisht që nga dekadat e para e deri me tani vazhdomisht gëzon rritje të folësve të saj, ku shkon (2.2%), poashtu dhe gjuha portugeze me (0.5%). Në zonën germano-folëse thuhet se (6.5%) gjuhën angleze e kanë gjuhë kryesore nga mosha 15 vjeç e më lart, mandej gjuha shqipe e dyta me (3.2%), si dhe gjuha kroate, serbe, boshnjake dhe malazez bashkarisht me (2.8%). Kurse sa i përket zonës frankofone, gjuha shqipe zë vendin e katërt me (2.2%), pas gjuhës angleze, portugeze dhe spanjole. Ndërsa në zonën italian-folëse, gjuha shqipe zë vendin e pestë, pas gjuhës angleze, portugeze, spanjole dhe gjuhëve ballkanike.
Prandaj themi se gjuha shqipe si gjuhë e vjetër indo-europaine (paleo-ballkanike) zë vendin e posaçëm si gjuhë, e cila që nga krijimi i saj e deri më sot asnjëherë nuk është fikur.
