Monografia “Parabolat e jetës dhe artit” e autorit Arsim Kajtazi, një homazh për skulptorin e njohur Mal Myrtaj
Në ambientet e Konsullatës së Republikës së Kosovës në Cyrih, më 25 tetor 2025, do të mbahet promovimi i monografisë “Parabolat e jetës dhe artit”, kushtuar skulptorit të mirënjohur z. Mal Myrtaj, autor i së cilës është z. Arsim Kajtazi.
Kjo ngjarje e rëndësishme kulturore organizohet nën patronazhin e Shefit të Misionit Konsullor të Republikës së Kosovës në Cyrih, z. Vigan Berisha, në bashkëpunim me Lidhjen e Krijuesve Shqiptarë në Mërgatë (LKSHM).
Monografia sjell një udhëtim të thellë përmes krijimtarisë artistike të Mal Myrtajt.
E shtunë, 25 tetor 2025
Ora: 19:00
Vendi: Konsullata e Republikës së Kosovës,
Eugen-Huber-Strasse 19A,
8048 Cyrih
Organizatorët theksojnë se prania e publikut do të jetë një mbështetje e çmuar për autorin dhe për vlerësimin e artit shqiptar në diasporë.
Për shkak të numrit të kufizuar të ulëseve, ftohen të gjithë të interesuarit të konfirmojnë pjesëmarrjen në adresën: consulate.zurich@rks-gov.net
Ky promovim është një tjetër dëshmi e bashkëpunimit të frytshëm ndërmjet institucioneve diplomatike të Kosovës dhe komunitetit krijues shqiptar në Zvicër, në shërbim të ruajtjes dhe promovimit të kulturës sonë kombëtare.
























