Vlerën verës ia shtojmë
Edhe njëherë
Si përherë
Zemra e verës
Bëhet mal
Shtëpitë gëzohen
Rrugët buzëqeshin
Sheshet gjallërohen
Natyra lumturohet
Edhe këtëherë
Si çdoherë
Përndritemi sëbashku
Dhe verës vlerën ia shtojmë
Edhe vetes
Sa nuk mund të përshkruhet
Me fjalë
Se atdheu frymë po merr më lehtë
Kur na sheh neve kaq shumë
E kaq pranë njëri-tjetrit
Duke u çmallur
Me praninë e mungesës
Sonë fizike gjatë vitit
E gjatë stinëve që kalojnë
