Tortilla me mish të bluar dhe perime
Përbërësit që iu nevojiten për përgatitjen e kësaj recete janë:
4 petë tortilla
1 qepë e madhë
300gr mish i bluar
Mix I perimeve të ziera
Sos domatesh
Ajkë kosi
Djathë kackavall
Erëza
Mënyra e përgatitjes:
Së pari grimë imët qepën dhe e hedhim në tiganin më vaj, pastaj shtojmë perimet, dhe pas perimeve shtojmë mishin. Fërgojmë derisa mishi të fillojë të ndërrojë ngjyrë dhe I hedhim salcën e domateve. I shtojmë kripë, piper të zi dhe erëza sipas dëshirës.
Marrim petët e tortillas dhe i lyejmë me ajkë kosi, i hedhim masën me mishin e bluar në mes dhe i mbështjellim duke i rrotulluar. I vendosim në tepsi në të cilën kemi shtruar letër kuzhine dhe nga sipër i lyejmë me ajkë dhe i hedhim kackavall të grirë.
I fusim në furrë për 15 minuta në temperaturë 200 gradë.
