Pavarësisht se ka mbaruar lufta dhe Kosova është shpallur shtet i pavarur, cështja e Kosovës vazhdon të mbetet temë ditore e diskutimeve në Serbi. Madje është bërë e ditur se edhe njëri nga termet që po përdoret më së shpeshti, është ai “demarkacion”, pavarësisht asaj që shumica e tyre nuk e kuptojnë as cfarë do të thotë ajo.
Bazuar në këtë, në Beograd është hapur një anketë, përmes së cilës është kërkuar mendimi i qytetarëve se cili do të jetë përfundimi i zgjidhjes së cështjes së Kosovës.
Si opsion në përbërjen e anketës është dhënë edhe ndarja e Kosovës, ndërsa në fund rezultati ka treguar se shumica e popullatës serbe nuk shohin një zgjidhje tjetër pos asaj të njohjes së Kosovës si shtet i pavarur nga ana e Serbisë. Së paku, sipas të dhënave rreth 42% e të anketuarve janë për këtë opsion.
























