10 C
Zürich
Dienstag, November 17, 2026

Pupla dhe fara-fluturuese

Pupla dhe fara-fluturuese

Zbrisja një rruge të ngushtë
Për të dalë në shesh Prishtine
Dhe afrohesha te pupla e bardhë
Që si një fjollë bore po binte

Afrohesha e më afrohej e vogla pupël
Shplakën e dorës e shtriva si pistë aeroporti
Me një farë fluturuese e cilës lule të egër
Po binte dorë për dore kjo pendël e kushedi ç’zogu

Vështroja i habitur e i gëzuar
Pupla vetëm duke rënë kam parë
Kjo rënie e tillë më turbulloi këndshëm
Këtë po e shihja për herë të parë

Ranë në dorën time të pandara siç ishin
Mora telefonin për t’u bërë një shkrepje
Pastaj i lashë të binin aty ku të donin
Hapat e mi u lehtësuan dukshëm

-Një pupël zogu dhe një farë luleje
Gjithë ditën e ndreqën…