9.5 C
Zürich
Dienstag, November 17, 2026

Mbrëmje në përkrahje të ISEAL-it më 7 Nëntor 2024

Mbrëmje në përkrahje të ISEAL-it më 7 Nëntor 2024

Instituti Zviceran i Studimeve Shqiptare (ISEAL-i) me dhe për komunitetin shqiptar në Zvicër ka nevojë për përkrahje dhe për ketë qëllim organizon Mbrëmje në përkrahje të ISEAL-it më 7 Nëntor 2024 në Lozanë në adresën : Collège de Béthusy, Avenue de Béthusy 7, 1005 Lausanne.

Cmimi : FR50.- për person (byfe, pije, kafe), Darkë – Byfe për një shkëmbim më të mirë në mes të pjesëmarrësve

Mundësi të blihet verë (FR 30.-,0.75L)

Për rezervime : info@iseal.ch

Kush është Instituti Zviceran i Studimeve Shqiptare (ISEAL-i)

ISEAL-i ka për qëllim zhvillimin dhe forcimin e lidhjeve ndërmjet Zvicrës dhe shqiptarëve, ndihmën për integrimin e shqiptarëve në Zvicër, që të bëhet një partner i njohur prej autoriteteve të Zvicrës, Shqipërisë, Kosovës, Maqedonisë, për të gjitha çështjet në lidhje me komunitetin shqiptar të Zvicrës, si dhe të shërbejë si pikë referimi për vende të tjera ose organizata ndërkombëtare që interesohen për çështjet shqiptare.

ISEAL ka statusin e njohur nga Konfederata për të mira publike. ISEAL është i vetmi Institut i të huajve në nivel të Zvicrës me një njohje të tillë.

Fryt vitesh mendimi, statutet e ISEAL-it janë miratuar zyrtarisht nga anëtarët themelues më 8 dhjetor 2007 në Lozanë.

Me Institutin Zviceran të Studimeve Shqiptare – ISEAL, shqiptarët nuk janë më vetëm objekt i studimeve, por edhe studiues.

ISEAL ka mëvetësi të plotë dhe nuk ka pranuar asnjë propozim për financim që nuk përkon më qëllimin dhe synimet për një mirëqenie dhe imazh pozitiv të shqiptarëve në Zvicër

Driton Kajtazi, drejtor i ISEAL-it

Qëllimet

ISEAL-i ka për qëllim zhvillimin dhe forcimin e lidhjeve ndërmjet Zvicrës dhe shqiptarëve, ndihmën për integrimin e shqiptarëve në Zvicër, që të bëhet një partner i njohur prej autoriteteve të Zvicrës, Shqipërisë, Kosovës, Maqedonisë, për të gjitha çështjet në lidhje me komunitetin shqiptar të Zvicrës, si dhe të shërbejë si pikë referimi për vende të tjera ose organizata ndërkombëtare që interesohen për çështjet shqiptare

Sektorët

Për t’i arritur qëllimet e tij, ISEAL-i do të shfrytëzojë një Institut Shkencor me sektorët e mëposhtëm:

  • Kërkime: Të bëjë kërkime në fusha të ndryshme si: formimi, integrimi, politika, gjuhësia, sociologjia, ekonomia, kultura, historia, gjeografia dhe teologjia.
  • Botime: Të botojë vepra periodike, libra, broshura, buletine (në gjermanisht, frëngjisht, italisht, shqip etj.).
  • Mësimdhënie: Të japë një mësimdhënie e cila do të përfundojë me formime të vërtetuara dhe/ose me kredi ECTS (European Credit Transfer and Accumulation System).
  • Qendër dokumentimi: Në bashkëpunim me universitetet, shkollat e larta, bibliotekat dhe autoritetet e Zvicrës, Shqipërisë, Kosovës, Maqedonisë, gjithashtu dhe me institute të ndryshme private apo publike.

Shoqata e miqve të Iseal-it: aA◊ISEAL

  • Për të përkrahur ISEAL-in, 139 personalitete (zvicerane, shqiptare e të tjera) themeluan aA ISEAL-in.
  • Shoqata ka edhe një Komitet nderi (12 personalitete publike) dhe një Komitet ekzekuziv. aA ISEAL-i do t’i ketë dyert të hapura për të gjitha e të gjithë.

ISEAL, ka në dispozicion një ndërtesë të veten për të zhvilluar aktivitetet në mënyrë dinjitoze e profesionale. Kjo ndërtesë është fryt i bashkëpunimit të gjatë me qytetin e Llozanës.

Seli e ISEAL-it është zgjedhur Llozana për shkak se është midis qyteteve Bernë (kryeqytet politik) dhe Gjenevë (seli e afër 200 organizatave ndërkombëtare), është seli e CIO-s, dhe e një numri të madh të firmave ekonomike (Nestle, IKEA, Tetra Pak etj.) dhe kjo ofron mundësi të mira rrezatimi

Për më shumë të dhëna mbi ISEAL-in: www.iseal.ch

Kontakt: info@iseal.ch