Gara e njohur “Best Squad Competition” e cila u mbajt në Slloveni solli një tjetër sukses për Kosovën. Forca e Sigurisë së Kosovës (FSK) nga Regjimenti i Dytë i Këmbësorisë (R2K), fituan vendin e tretë, duke dëshmuar kështu profesionalizmin dhe punën e tyre të palodhshme.
“Best Squad Competition” u mbajt nga data 4 deri më 6 maj dhe gjithsej morën pjesë pesëmbëdhjetë skuadra. FSK arriti të lërë pas dymbëdhjetë skuadra tjera duke shfaqur kështu aftësitë në sfidat ushtarake individuale si dhe ekipore.
Disa aktivitete që Forcës së Sigurisë së Kosovës i duhej të kalonte në garë ishin: kalimi i poligonit me pengesa, klaimi i pengesave në ujë e shumë aktivitete tjera që lidhen me udhëheqjen, përgatitjen dhe shpirtin luftarak.
Forca e Sigurisë së Kosovës edhe pas këtij suksesi vazhdon të jetë e hapur për mundësitë dhe krijimin e lidhjeve të reja, ku së fundmi Italia e mbështet FSK-në për ngritjen e kapaciteteve njerëzore në fushën e ambientit.


























