Zgjedhjet që u mbajtën në Stamboll për kryetar të kryeqytetit, e shpallën humbëse kandidatin dhe partinë e kryeministrit turk Rexhep Tajip Erdogan. Zgjedhjet për kryetar të Stambollit i fitoi bindshëm Ekrem Imamoglu, pas përsëritjes së zgjedhjeve që u bënë këtë të diele, duke fituar edhe më bindshëm se në roundin e parë.
Fitorja bindëse me një numër të madh të votave e Ekrem Imamoglu, ka bërë që për të parën herë pas 25 vitesh, Erdogan të humbas qytetin e Stambollit, për të cilin disa herë pati thënë se kush e humb këtë qytet, e humb të gjithë Turqinë.
Imamoglu njihet si një ish-biznismen i cili para se të bëhej pjesë e Partisë Popullore Republikane (CHP), ishte kryetar i komunës Beylikduzu të Stambollit. Në fjalimet e tij ai ka theksuar rëndësinë e luftimit të përbashkët të varfërisë dhe ka dënuar retorikën populliste mes politikanëve turq.
Gjatë këtij viti, ai ishte takur me Erdogan, me të cilin pati diskutuar lidhur me të ardhmen e Stambollit, gjest ky me të cilin thuhet të ketë fituar një respekt të madh të votuesve. Edhe pas fitores së tij të dielen, ai deklaroi se për një të ardhme më të mirë me Stambollin do të bashkëpunojë me të gjithë, përfshirë edhe Erdogan.
Imamoglu fitoi 54% të votave, duke lënë pas kandidatin e AKP-së. ai ka lindur në Akcaabat në vitin 1970. Është i martuar dhe ka tre fëmijë.
























