Shqiptarët janë të përhapur në të gjithë botën dhe kanë arritur suksese në shumë fusha të jetës. Në muzikë, sport, biznes dhe jo vetëm. Emra shqiptarë kanë arritur një vend të rëndësishëm në skenën ndërkombëtare.
Por tani, një shqiptar nga Kosova ka arritur një sukses të veçantë. Edmond Smajli është një pilot ushtarak në Forcat Ajrore të Shteteve të Bashkuara (US AIR FORCE).
Si shqiptarë, duhet të ndjehemi tepër krenarë që bijtë tanë shërbejnë në një forcë ushtarake aq moderne dhe të fuqishme, që do të jetë një mburojë jo vetëm për Amerikën, por edhe për trojet tona.
Familjarët e Edmondit kanë folur me krenari dhe emocion, duke njoftuar se ai arriti në pikën më të lartë të karrierës së tij si pilot luftarak në US Air Force. Ata tregojnë se ai është bekuar me mundësinë për të vazhduar karrierën e tij duke fluturuar aeroplanin luftarak A-10 Warthog. Kjo është një fitore e madhe jo vetëm për Edmondin dhe familjen e tij, por për të gjithë shqiptarët. /Fotot: Facebook
























