14.5 C
Zürich
Dienstag, November 17, 2026

Duffeyz dhe projekti i saj «SHNOSH – identität shipi»

Gjenerata ime dhe ajo e Duffeyz duhet të ndjehen krenar me vajzat e djemtë, që kudo në shoqëritë perëndimore po krijojnë hapësirën e re, gjithsesi të merituar, dhe kështu po fitojnë respektin e të gjithëve.
Nga Adnan Aslani
«Shnosh – Identität Shipi» është projekti që Duffeyz e ka zhvilluar gjatë studimit në shkollën e lartë të arteve në Zürich (ZHDK). Shprehja «shnosh» tek ne është e njohur shpesh si një shprehje e dorëzimit, kur rrugët tjera mbyllen, e nuk mund të arrish të drejtën tënde apo atë që ke synuar. Zakonisht thuhet kjo shprehje si ngushëllim. Dmth. Shëndeti në rend të parë, pastaj të tjerat rregullohen një ditë. Duffeyz e ka trajtuar këtë shprehje si identitare për ne. E vlefshme kjo në shoqërinë zvicerane, ku shqiptarët jo rrallë janë stigmatizuar nga shtypi i verdhë dhe kuluaret e qarqeve të djathta. Në zhargonin e tyre shqiptarët janë quajtur me pezhorativin «shipi», për ti dhënë atyre vendin që ata ia kanë caktuar në shoqëri, si qytetarë jo të barabartë me «elitën». Duffeyz, duke qenë një nga ato që ka përjetuar te komuniteti nga ajo vjen deri në padurim fjalën «shnosh», ajo e ka bërë një projekt përmes të cilit e ka kthyer këtë shprehje në rebelizëm intelektual. Me «Shnosh – Identität Shipi», ajo ka treguar se të rebelohesh intelektualisht, tërheq vëmendjen dhe respektin në secilën shoqëri.
Gjenerata ime dhe ajo e Duffeyz duhet të ndjehen krenar me vajzat e djemtë, që kudo në shoqëritë perëndimore po krijojnë hapësirën e re, gjithsesi të merituar, dhe kështu po fitojnë respektin e të gjithëve.
Shoqëritë konservatore, zakonisht mendojnë të ruajnë sa më gjatë kulturën tradicionale, sidomos karshi «të huajve». Aq më tepër qarqet e frymëzuara me doza të forta të çjerrjes bulevardeske. Mirëpo, të rinjtë si Duffeyz po i thyejnë këto rregulla të tyre «tradicionale», duke ua lënë tani atyre si stafetë fjalën tonë të dorëzimit «shnosh».
Më poshtë është intervista e Duffeyz, kësaj vajze të talentuar, që sapo ka filluar të hedhë hapat e parë, ama të shpejtë!
Kurse ky është projekti i saj «Shnosh – Identität Shipi»: