Një pasdite të lodhshme nga puna, të gjithë preferojmë të pijmë një kafe dhe të clodhemi pak. Sot vjenë një recetë biskotash, që e shoqëron këtë kafe më së miri.
Përbërësit:
- 100gr margarinë në temperaturë të dhomës
- 1 ve
- 1 filxhan caji sheqer
- Pak më shumë se gjysma e filxhanit të cajit niseshte
- 2 lugë të mesme kakao
- Dhe një lugë e mesme instant kafe të tretur në një lugë ujë.
Këta përbërës i hedhim në enë, i përziejmë derisa të kompaktësohen mirë me njëri tjetrin, pastaj ia shtojmë një sheqer vanilje dhe miell derisa të bëhet një brum i butë dhe elastik.
Kur brumi të jetë gati, marrim copëza të vogla të cilave i japim formën e sferës dhe me një gërryese të dhëmbëve i shtypim në mes që ti mbetet forma gjatësore, e cila i bënë të ngjasojnë në kokrrën e kafes.
I pjekim në 200 gradë celsius për rreth 20-25min.
Shumë të shijshme dhe të përshtatshme për tu shoqëruar me një kafe turke.
