Përballë dy pamjeve
Hyra në një ekspozitë
Me vepra artistësh të ndryshëm,
Punimet mbështetur për muri
Mikpritëse të dashura mysafirësh.
Sa te kjo pikturë, e sa te një instalacion,
Ja dhe skulpturë, e ajo fotografi,
Pas një vështrimi të shkurtë rretheqark
Paj, po them diç se pse i zgjodha dy.
Njëra pikturë ishte peisazh i bukur
Me lule me diell e mjedis mahnitës,
Tjetra pikturë punuar mjeshtërisht
Shtëpi të braktisura që flisnin tronditshëm.
Mbresat vërtiteshin sa te njëra sa te tjetra
Ecja si kalimtar e jo si kritik arti,
Erë u merrja luleve në atë perëndim dielli
Dhe lutesha të rilindte jeta e atij fshati…
