9.9 C
Zürich
Dienstag, November 17, 2026

Vigan Berisha pritet nga Presidenti i Qeverisë së Obwalden, Daniel Wyler

Shefi i Misionit Konsullor të Republikës së Kosovës në Cyrih, z. Vigan Berisha, u prit sot nga Presidenti i Qeverisë Kantonale të Obwalden, z. Daniel Wyler. Takimi u zhvillua në një atmosferë miqësore dhe profesionale, ku u diskutua për thellimin e bashkëpunimit ndërinstitucional dhe për rolin e rëndësishëm që mërgata shqiptare luan në jetën shoqërore dhe ekonomike të kantonit.

Z. Berisha e falënderoi z. Wyler për mikpritjen dhe theksoi gatishmërinë e institucioneve të Republikës së Kosovës për të vazhduar dhe forcuar bashkëpunimin, në të mirë të komunitetit dhe marrëdhënieve dypalëshe.