10 C
Zürich
Dienstag, November 17, 2026

Dy poezi nga Isa H. Dërmaku

Dy poezi nga Isa H. Dërmaku

VENDLINDJA DASHURI HYJNORE

Si kanionet – thellësi me/pa fund,
Pika të arta uji – lotë qielli.
Rrjedh mes gurëve të thepisur,
Te Çurreli i jetës që s’ndal…

Nëse më pyet:
Nuk është thjesht Shipashnica
Është dashuri zemre, thellësi e pafundme.
Mbi të gjitha: Trinomi i shpirtit tim,
Bukuria e shenjtë mes Kodrave Sublime!
(Shipashnica e Epërmeë, 08.08.2019)

KOSOVA EPOPE E DIELLIT

Vend i artë, kalitur mes flakëve,
Jo ishull – gurë jete në Gadishull.
Dielli lind i kuq si gjaku, madhërishëm,
Perëndon si zjarr i shenjtë.

Kosovë e artë, me Diell mbi mal,
Njeri të lirë që ngrihet nga hiri.
Këtu është Parajsa
Bekimi i Zotit dhe i gjakut të derdhur.
Gjak që ndriçon Kosovën
Me rrezet e arta të Lirisë.
(Dardanë, 25. Shtator 2019)