9.9 C
Zürich
Dienstag, November 17, 2026

Ministrja Vesna Janjevska një raciste arrogante, naive dhe primitive

Ministrja Vesna Janjevska një raciste arrogante, naive dhe primitive

 Xhevat Hasani, 11 nëntor 2025

Ministrja e Arsimit e Maqedonisë së Veriut, e ashtuquajtura Vesna Janjevska, me datën 9 nëntor të këtij viti 2025 gjatë një konference për shtyp, në të cilën po fliste kryetari i komunës së Tetovës, z. Bilall Kasami, këtij të fundit i ka tërhequr vërejtjen disa herë që ai të shkurtonte fjalën e tij në gjuhën shqipe, sepse ajo nuk po kuptonte se çfarë po thoshte Kasami[1].

  • Më vjen keq për z. B. Kasami të cilin para disa muajsh deri sa ai në një tubim me qytetarët e Tetovës po tregonte se si një fabrikë e Serbisë ia kishte dhuruar 900 mijë euro Komunës së Tetovës, Mickoski që ishte pranë tij në atë tubim, jo vetëm që ia ndërpreu fjalën por edhe e hodhi prapa të pasmeve të veta si një qilimi!
  • Më vonë u tha se fabrika e Serbisë ato të holla ia kishte dhuruar komunës së Tetovës me destinim ndërtimin e një Kishe Ortodokse Serbe në periferi të Tetovës. Dhe Mickoski duke pasur frikë se z. Kasami do ta tregonte dedikimin e asaj ndihme financiare për ndërtimin e Kishës Ortodokse Serbe, e largon Kasamin me forcë nga mikrofni duke e hedhur prapa të pasmeve të veta si të ishte një fëmijë. 
  • Dhe sikur të mos mjaftonte rasti ndërprerjes së fjalës që Kasamit ia kishte bërë Mickoski, tani del edhe Ministrja e Arsimit e Maqedonisë së Veriut, e ashtuquajtura Vesna Janjevska, dhe edhe ajo përpiqet që po të njëjtit Bilall Kasami t`ia ndërpresë fjalën në gjuhën shqipe, thjeshtë sepse ajo nuk po e kuptonte gjuhën shqipe.
  • Fakti se të gjithë ministrat shqiptarë e din dhe e flasin gjuhën maqedone, kurse asnjë ministër maqdonë nuk e di dhe nuk e flet gjuhën shqipe, kjo tregon qartë se në Maqedoninë e Veriut maqedonët de fakto paraqesin qytetarët e klasit të parë, kurse shqiptarët de facto paraqesin qytetarët e klasit të dytë.
  • Maqedonët duke paraqitur qytetarë të klasit të parë nuk e mësojnë dhe nuk e flasin gjuhën shqipe të qytetarëve shqiptarë të kalsit të dytë, kurse shqiptarët duke qenë qytetarë të klasit të dyë e mësojnë edhe e flasin gjuhën naqedone të qytetarëve maqedonë të klasit te parë, sepse janë të varur prej tyre politikisht.
  • Ministrja Janjevska në vend se ta mbaj një shqiptar te veshi që t`ia përkthente në gjuhën maqedone ato që po thoshte z. Kasami  në gjuhën shqipe, dhe në vend se në fund të konferencës të kërkonte falje, duke u skuqur pse nuk e din  gjuhën shqipe, ajo duke qenë një raciste arrogante, naive dhe primitive par exelans, e urdhëron z. Kasumi, ngjashëm siç e urdhëron një mësuese e sert nxënësin e saj të urtë, që ai shkurtoj fjalën e tij sepse ajo s`po e kuptonte gjuhën shqipe!
  • Janjevska duke qenë e lindur në vitin 1958 në Shkup ajo tani më ka kaluat 67 vite jetë në qytetin e Shkupit të banuar me rreth 300 mijë shqiptarë, por sipas të gjitha gjasave duke pasur që heret urrejtje raciste ndaj shqiptarëve, ajo për 67 vite të jetës së saj nuk i ka mësuar as 67 fjalë të gjuhës shqipe, në ndërkohë që shumë ambasadorë të vendeve perëndimore për katër vite qëndrimi në Shkup apo në Prishtinë, e mësojnë dhe e flasin gjuhën shqipe mestarisht mirë.   
  • Vërtetë kush ia i ka dhënë Janjevskës ato të drejta që ajo ta shpërfillë kaq keq si gjuhën shqipe ashtu edhe folësin e saj, në rastin konkretë kryetarin e Komunës së Tetovës, z. Bilall Kasamin?!
  • Unë mendoj se asaj këto të drejta më shumë se regjimi racist antishqiptar i Davkovska -Mickoskit, ia kanë dhënë mendtë e saj të shkreta! Kanë qenë mendtë e saj të shkreta ato që e kanë bindur sikur gjoja ajo edhe dekadën e tretë të shekullit 21, mund t`ua ndaloj shqiptarëve në Maqedoni të drejtën e përdorimit zyrtar të gjuhës shqipe!
  • Por kjo primitivushkë edhe herë të tjera ka lëshuar llapushka kundër shqiptarëve:  
  • Herën e parë, kur ajo diku para një viti pa e pyetur askush ka deklaruar se: Në Maqedoni Ushtria Çlirimtare e Kombëtare (UÇK-ja) dhe logoja e saj nuk kanë asnjë vlerë dhe nuk paraqesin gjë! Ka thënë kështu kjo dritë-shkurtër sepse nuk e kupton se lufta e UÇK-së e bërë në vitin 2001, për realizimin e të drejtave elementare të shqiptarëve në Maqedoni, tani më veç është bërë pjesë e pandashme e historisë së Maqedonisë Bi-Etnike dhe Multi-Etnike.
  • Herën e dytë, kur kjo ministre dritë-shkurtër ka kërkuar që t`ua testoj arsimtarëve shqiptarë njohjen e gjuhës maqedone, por nuk ka kërkuar që edhe arsimtarëve maqedonë t`ua testoj njohjen e gjuhës shqipe. Kjo kërkesë naive e saj ka nënkuptuar se arsimtarët shqiptarë duke i konsideruar ajo qytetarë të klasit të dytë, ata duhet ta njohin gjuhën maqedone të qytetarëve të klasit të parë, kurse arsimtarët maqedonë duke i konsideruar ajo qytetarë të klasit të parë, ata nuk ka nevojë ta njohin gjuhën shqipe të qytetarëve të klasit të dytë.
  • Dhe tani për herë të tretë, e njëjta ministre dritë-shkurtër, me 9 nëntor të vitit 2025 në vijim në një konferencë shtypi tenton t`ia ndërpresë fjalimin në gjuhën shqipe kryetarit te komunës së Tetovës, z. Bilall Kasami, sepse ajo nuk e di gjuhën shqipe! Hosona Barraba! do të thoshte Noli ynë i madh.
  • Kjo ministre dritë-shkurtër mund të pyet se „kush është ky Xhevat Hasani që përzihet në punët e mia, duke më quajtur raciste arrogante, naive, primitive !?»
  • Përgjigjja ime në këtë pyetje të mundshme të saj në adresën time e ka këtë përgjigje!
  • Zonja Ministre, unë, çoftë si njeri, çoftë si qytetar dhe çoftë si shqiptar, e kam të drejtën e patjetërsueshme që me majën e penës sime, t`i kundërshtoj veprimet raciste të kujtdo qoftë: jo vetëm kur ato ushtrohen ndaj kombit tim shqiptar, por edhe kur ato ushtrohen ndaj kombeve tjera, p.sh: ndaj kombit ukrainas etj.
  • Nëse unë do të shkruaja për mbipeshën tuaj kjo do të ishte një përzierje imja në punët tuaja. Por, unë nuk merrem me mbipeshën tuaj: Sa për mua ju mund të trasheni si një LUBI ose mund të holloheni si një KALLI! Kjo është puna juaj.
  • Por kur t`i dhe padroni yt i verbër, i ashtuquajturi Mickoski, prekni të drejtat e kombit tim shqiptar që jeton në viset e tij në Maqedoni, atëherë unë kam të drejtë t`u kundërvihem juve qoftë edhe me çmimin e jetës sime…!

[1] https://www.gazetaexpress.com/tetove-ministrja-e-arsimit-janevska-nuk-ndjehej-komod-me-gjuhen-shqipe-kerkon-nga-kasami-qe-te-flase-maqedonisht/