Nga Safet Sadku
Të nderuar përkrahës të “Platformës për Referendum Kombëtar”!
Politika globale po ndryshon rrënjësisht, sepse luftërat e fundit të shkaktuara nga Rusia, kanë futur në lëvizje çdo gjë! Të fortët po bëjnë politikën e tyre me shumë vetëdije! Pozicionimi i shqiptarëve botërisht është i konfirmuar! Prezenca e NATO- në Gadishullin Ilirik është edhe fat për ne shqiptarët, edhe pjekuri politike e strategjisë së SHBA-së! Në anën tjetër me miliona shqiptarë nuk ndalën së vepruari kudo, me aktivitete të ndryshme kulturore! Kjo dëshmon se mijëra shoqata, sidomos në mërgatë, por edhe në atdhe kanë energji pozitive në funksion të vetëdijes kombëtare! Aktivitete kulturore gjithëandej në mërgatë dhe gjithë këndej kudo në atdhe! Promovimi i vlerave kombëtare, festime të ngjarjeve historike, botime dhe promovime të librave kudo, të cilat padyshim, të gjitha këto lëvizje kanë vlerën e madhe, gjë që na ruajnë kujtesën, sepse ne ndonjëherë, po e harrojmë shpejt!… Gati sa i kemi harruar edhe krimet, edhe gjenocidin e Serbisë!?
Përballë këtyre rrethanave të reja mendojmë se ja vlen të flasim edhe për të nesërmen!, pa harruar të kaluarën, dhe pa harruar mungesën e forcës sonë politike për ta penguar përsëritjen e pësimeve gjatë historisë! Derisa partitë politike e falen Serbinë, po ne elita intelektuale çfarë po bëjmë? Po qytetarët? Asgjë!… Sisistemi politik përmes Referendumit ku vendosin të gjithë qytetarët për votime të vendimeve madhore dhe jo poletikanët është një ilaq që shëron sëmundjet e papërmirsuara gjer më tani, pra edhe ato historike! Referendumet bëjnë zgjidhjen e çështjes shqiptare! Të gjithë faktorët flasin se tani është koha të fillojë integrimi i brendshëm institucional kudo në vendbanimet shqiptare! Tani është koha të mbrohen dhe të ndërkombëtarizohen me studime shkencore të gjitha format e korigjimeve historike, ashtu si modelet e vetë vendeve të BE-së, si të vendeve që dëshmuan sukses në zhvillimin ekonomik, si p.sh modeli i bashkimit të Gjermanisë në vitet 1990-ta. Edhe shqiptarët kanë luftuar dhe dëshmuar se janë paqësor në të gjitha proceset historike. Paqën më të qëndrueshme e patëm qysh para shekullit të dymbëdhjetë kur u krijua shteti i ARBRIT!…
Të gjithë jemi dakort që aktualisht ne shqiptarët,(edhe me popujt e tjerë) të kemi paqe të qëndrueshme në Gadishullin tonë. Kjo do të arrihet më së miri vetëm me votimin e referndumeve ku do të rilindë paqja më e qëndrueshme në botë (dhe do ta paralizon përjetësisht agresionin e Serbisë), e cila do t’i ngjanë paqës së vendeve të zhvilluara si në familjen e vendeve të BE-së, me logjikën e mirëfilltë: “të gjithë për një dhe një për të gjithë!
Së këndejmi më së paku kemi nevojë të bëjmë miqësi me agresorin historik, i cili quhet Serbi! Edhe BE i hapi rrugët për bashkëpunim ekonomik Rusisë, e cila kjo e fundit “u dëshmua besëprerë” dhe ja ktheu bumerang BE-së gjithë ndihmën ekonomike dhe tregtare, me luftë raketash duke sulmuar padrejtësisht Ukrainën!
Shqiptarët nuk duhet të merren vetëm me pasojat që sollën shkaqet nga okupatorët shekullorë. Shqiptarëve u ka ardhur koha o sot o kurrë të merren me punë konkrete. Puna konkrete është votimi i Referendumit të Parë Shqipëri-Kosovë! Këtu fillon ndryshimi i të gjitha rrjedhave! Procesi juridik i Referendumit të Parë Shqipëri-Kosovë do të jetë ngjarja më e rëndësishme në historinë e gjithë popullit shqiptar, e cila ngjarje po i takon këtij shekulli- XXI! Mbarësi!
























