Në kuadër të 16 vjetorit të Ditës së Pavarësisë së Kosovës dhe 26 vjetorit të Epopesë së UÇK-së Ambasada e Republikës së Kosovës në bashkëpunim me Konsullatën e RK- Gjenevë, bashkë me personelin diplomatik organizuan një pritje në Bernë ku merrnin pjesë përfaqësues të jetës shoqërore, arsimore e kulturore nga radhët e mërgatës sonë.
Paraprakisht ambasadori, në kuadër të 16 Vjetorit të Ditës së Pavarësisë, Kosovë, pat shpërnda këtë mesazh: “Në këtë ditë të veçantë kur Kosova shënon një tjetër vit të lirisë dhe pavarësisë, le të nderojmë bashkërisht sakrificat dhe arritjet e popullit tonë në rrugën drejt lirisë, demokracisë, unitetit, progresit dhe zhvillimit.
Si një komunitet i fortë këtu në Zvicër, le të bashkohemi për të festuar këtë dite, të vazhdojmë të promovojmë miqësinë, mirëkuptimin dhe bashkëpunimin mes dy vendeve tona. Të jetë e mbushur me paqe, stabilitet dhe prosperitet e ardhmja e Kosovës, dhe të forcohen edhe më tej lidhjet e miqësisë midis Kosovës dhe Zvicrës”
Edhe gjatë organizimit të fundit me ftesën e Ambasadorit Z. Sami Ukelli iu përgjigjen subjekte dhe personalitete të fushave të ndryshme, përfshi edhe botën rinore studentore.
Në këtë pritje nga radhët e portalit tonë ishte fotoreporteri Afrim Nevzadi i cili edhe na i solli këto shkrepje përmes të cilave reflektohet ky manifestim, përshkuar edhe me një frymë kulturore, në saje të programit të grupit artistik nga Gjeneva, ndaj edhe me këtë rast artisti ynë, Shpejtim Krasniqi shkruan edhe sesi edhe kësaj radhe shkëlqyen Ejona Bytyqi e Elion Krasniqi me pikat muzikore që shfaqen gjatë kësaj mbrëmjeje festive.





































