Këtë letër marr përmes e-mailit nga Zonja Shukrije Ramadani, konsulle e Republikës së Kosovës në Cyrih, po e bëj publike thjesht nga arsyeja se edhe ne duhet falënderuar Ate me shpirt e zemër, për kontributin e madh dhënë mërgatës sonë në Zvicër, sidomos komunitetit artistik. – Me këtë rast ndaj edhe falënderimin e redaksisë së portalit transnacional.ch, por edhe të familjes sime, për këtë zonjë të nderuar që jeta e përballi me shumë sfida, por përherë doli ngadhnjimtare, falë atdhedashurisë së madhe, që ideal të përjetshëm e paten bashkë me Agimin. -Suksese zonja Shukrije, motra jonë e vyshme në misionin tend të ri në kuadër të Minstrisë së Punëve të Jashtme dhe Diasporës.
Ja edhe teksti autorial I zonjës Shukrije Ramadani:
Po behen shum vite që kaluam bashkë në mërgim, shum vite shpresa, zhgënjime dhe sfida të ndryshme për sejcilin nga ne!
Nuk e pata të lehtë jetën pa Agimin, por ate ma lehtësove ti dhe secili që më mbështeti si motrën e madhe, me dashuri , respect dhe krenari duke më dhënë energji positive se Agimi jeton ne secilin nga ne dhe se që kemi me se të mburremi.
Andaj të falenderoj nga zemra , për çdo fjalë mbështetëse, per çdo moment kur dhembjen dhe krenarinë e ndjeve bashkë me mua.
Nuk e di a do të mund t’ia dilja po mos të kishim nji komunitet të tillë të mrekullueshëm siç e kemi ne këtu në Zvicër, mu për këtë i jam mirënjohëse sejcilit nga Ju, ngaqë nganjëherë vetëm me heshtjen dhe sytë e mbushur dhembje e respekt më keni thënë më shum se çdo fjalë që mund të përshkruaj.
Pas mandatit 4 vjeçar si diplomate, me duhet të kthehem në MPJD.
Se di më tej si do të vete misioni im, por një që e di të sigurtë është se, do të mbetem kjo që isha që nga fillimi, e angazhuar me elan dhe energji positive, këmbëngulëse për të drejtat e çdo bashkatdhetari dhe për njohjen e kontributit tonë të vazhdueshëm ndaj atdheut dhe besnike ndaj idealit të përjetshem, Atdheut dhe gjakut të dashurisë sime!
Uroj që viti I Ri 2023 këtu të ju gjej shëndosh pranë familjeve tuaja, me suksese të reja e energji pozitive që dini ta falni secili nga ju!
Gëzuar!
(Me këtë rast ca foto që kam shkrep gjatë bashkëpunimit të zonjes Shukrije me komunitetin tonë në Zvicer, si dhe një foto me ushtarakët e Koshares, shokëve të luftës së hero Agimit)
































