
Pëllumbat
Kam takuar shumë herë pëllumba
Duke ngrënë e duke pirë
Duke ecur a duke fluturuar
Në shi në borë në plazh
Në dritë në errësirë
Nëpër tokë e qiell
Në të tyren hapësirë
Ku paqe ndjellin siç kanë ndjellë

Sorrat
Sorrat ndonjëherë dijnë
Ta mbulojnë qiellin e mos ta nxijnë

Trumcakët
Trumcakët çdoku zënë prita e strehohen
Në shkurre e rrugë e nëpër telapërçues
Në kënde lojërash të fëmijëve
Sikur cicërojnë më shumë

Gushëkuqi
Gushëkuqi i qetë
Ia thotë këngës lehtë e lehtë
Këndon jo veç për qejf të vet

Trishtili
Në një tavolinë
Në një kafene
Vije ky trishtil
Për ta marrë
Një qeskë me sheqer

Pikaloshi
Një fluturim gjithë ngazëllim
Pas një pushimi të shkurtër
Përsëri në fluturim
Pikat e bardha s’di pse s’i bijnë

Qukapiku
Goditjet me sqep
Lënë zhurmë si me goditje sopate
E drunjtë i shpon sa i duhen
E asnjëherë si pret
Për t’i shrirë përdhe

Zvarritësi
I shpejtë e vetëtimë
Po nëpër drurë
I pëlqen me u zvarrit

Mëllenja
Mëllenjë futë e zezë
Me sqep all të verdhë
Në një park pishash
Fluturon e bredh

Pulëbardha
Kjo pulëbardhë
Mbi barishte e alga
E leshterikë që deti
I nxorri në breg
Rri vështron stuhinë
E të qetësohet pak e pret
Që udhën përsëri ta marrë
Për ku është nis

Lejleku në livadhin e kositur
Në livadh të kositur
Hedh këmbët ky lejlek
Nuk ngopet me aromën
E barit të prerë

Zogj në kafaz
Zogj në kafaz
Të mbyllur
Ka kohë që rrinë
E natyrshme
Që ëndërrojnë
Lirinë
























