9.9 C
Zürich
Dienstag, November 17, 2026

Qendra e Botimeve për Diasporë për Ditën Ndërkombëtare të Librit për Fëmijë

Dy prilli shënohet si Dita Ndërkombëtare e Librit për Fëmijë. Për nder të kësaj dite dhe në shërbim të lexuesve të rinj u përkujdes edhe Qendra e Botimeve për Diasporë e cila solli dhjetra tituj të rinj të botimeve dygjuhëshe për fëmijë.

Në faqen zyrtare të Qendrës së Botimit për Diasporën, në rubrikën ‘Botime’ tani mund të shihen të përfshira titujt e librave të botuar që do të mund të shkarkohen apo të shfletohen online dhe falas për të gjithë lexuesit. Në kuadër të kësaj rubrike po të klikohet në nënrubrikën ‘Libra për fëmijë‘ do të shfaqen të ndara seritë:

  • Seria ‘Fjalor dygjuhësh për fëmijë’
  • Seria ‘Klasikët dygjuhësorë’
  • Botimi dy gjuhësh i dhjetë tregimeve të përzgjedhura nga libri ‘Tregime të moçme shqiptare’
  • ‘Përralla popullore shqiptare’

Duhet përmendur se Qendra e Botimeve për Diasporë përkujdeset dhe bën vazhdimisht përpjekje që të sjell risi në kuadër të ruajtjes dhe mësimit të gjuhës shqipe për të gjithë fëmijët. Kjo qendër se bashku me shtëpitë botuese ‘Dukagjini’ dhe ‘Albus’ në fund të vitit të 2021 krijuan tekstin e përbashkët ‘Gjuha shqipe dhe kultura shqiptare’ niveli I , libër ky për mësimin plotësues të gjuhës shqipe në diasporë dhe mërgatë.