Sipas disa informacioneve që po qarkullojnë së fundi në Kosovë, është bërë e ditur se ministri i Tregtisë dhe Industrisë Enndrit Shala i ka bërë ofertë kompanisë Volkswagen, për të bërë investime në Kosovë.
Mesa duket gjigandi Volkswagen po planifikon investime në Evropën Juglindore dhe me të kuptuar këtë, ministri Shala ka menduar ti bëjë një ofertë që do të mund të shërbente si urë lidhëse e investimeve të mundshme që do të mund të bëheshin në Kosovë.
Sipas ministrit, Kosova si pjesë e 44 shteteve që ofrojnë lehtësira në biznes, me një pozicion të mirë gjeografik, me një përbërje të re të popullatës, do të duhej të ishin arsye të mjaftueshme që ky gjigant të sjellte investime në Kosovë.
























