12.4 C
Zürich
Dienstag, November 17, 2026

Zvicër: Përse greva e grave 2019?

Arsyet për grevën e grave janë të mjaftueshme. Pagat dhe pensione të ulëta, të cilat nuk mjaftojnë për të jetuar, mungesë respekti e dhe vlerësim i mangët për punën (me e pa pagesë) e grave janë maja e ajsbergut.

Paragjykimet, seksizmi dhe diskriminimi godasin gratë në të gjitha rrafshet e jetës dhe kufizojnë ato në të drejtat edhe liritë e tyre. Që pos kësaj të jenë të konfrontuara edhe me ksenofobi e racizëm, dyfish të diskriminuara janë migrantët. Shanset e njëjta dhe barazia ende janë shumë larg për tu arritur.

Pamje nga aksioni i grave para pallatit federal në Bernë të Zvicrës

Edhe pse profesionet dhe punët gratë i ushtrojmë me pasion dhe me zemër, ato nuk vlerësohen thuaja se fare. Ato duhet të kontribuojnë gjithmonë dhe edhe më shumë. Me më pak personel, për po ato paga dhe në kohë edhe më të shkurtër. Kështu duan punëdhënësit dhe të djathtët. Stresi dhe ngarkesat në vendin e punës sa vijnë e rriten, ndërsa sfidë edhe më e vështirë mbetet harmonizimi i jetës familjare dhe asaj profesionale. Për arsimim e trajnim të mëtejmë nuk mbeten as para e as kohë. Edhe jeta në moshë të shtyrë, për shkak të pagave e pensioneve të ulëta, për shumë nga gratë më shumë është luftë për  të mbijetuar se sa pensionim me dinjitet.

Andaj gratë me të drejtë kërkojnë: Respekt! Më shumë pagë! Më shumë kohë!

Respekt për gratë dhe punën që bëjnë ato, pavarësisht nga prejardhja dhe gjinia e tyre. Më shumë pagë për punën e grave, pasi ato duan të jetojmë nga pagat dhe pensionet e tyre. Më shumë kohë për to, për familjet tona, për jetën tonë.

Të gjitha këto mund të vijnë si të njohura? Na trego edhe Ti historinë tënde dhe bëhu pjesë e grevës së grave. Të gjitha informatat i gjen në: www.frau-streikt.ch

Përgaditur për Horizonte Nr. 2/2019 Manuela Giovanoli, sekretare për politikë të barzisë gjinore (shqipëroi dhe përshtati O. Osmani)