Për herë të parë në qytetin e Cyrihut dhjetëra seminaristë shqiptarë e të tjerë nga vende të ndryshme të botës për dy ditë, pos në gjuhën angleze edhe në gjuhën shqipe ndoqën ligjëratat mbi përgatitjen e udhëheqësve, me referues: Prof. Dr. Fadil Çitaku nga Akademia e Shkencave të Lidershipit në Zvicër dhe profesoresha Mirela Sula, shkrimtare dhe psikologe nga Global Woman Club në Londër
Teksti e fotot: Rexhep Rifati
Për dy ditë me radhë në qytetin e Cyrihut ( 6-7 Prill 2019) u mbajte një seminar me organizimin e Akademisë së Shkencave te Lidershipit në Zvicër drejtuar nga Prof Dr. Fadil Çitaku dhe Global Woman në Londër, me drejtuese sociologen e njohur Mirela Sula me prejardhje nga Shkodra.
Ishte ky një seminar interesant si për nga eksperienca ashtu e edhe përmbajtja, por edhe nga fakti që një seminar i kësaj natyre organizohej për herë te parë me drejtues firmash të ndryshme shqiptare që udhëhiqen nga shqiptarë, një pjesë e mirë e të cilëve ishin femra që jetojnë e veprojnë si në shtetet perëndimore ashtu edhe në Shqipëri e që kishin udhëtuar për përcjelljen e këtij seminari. Por jo vetëm shqiptare, por edhe femra vendesh e përkatësish tjera nacionale që ishin kureshtar për përftimin e dijes dhe eksperiencës nga ligjëratat e dy ekspertëve shqiptar nga fusha e përgatitjes së udhëheqjes, gjegjësisht lidershipit.
Përgatitje për një udhëheqje më efektive
Pjesëmarrësit ishin kryesisht përfaqësues nga radhët e bizneseve private, me synim që të përgatiteshin për aftësimin e mëtejmë në fushën e lidershipit. Drejtuesit e seminarit Prof. Dr. Fadil Çitaku Ph.D. nga Akademia e Shkencave të Lidershipit në Zvicër dhe profesoresha Mirela Sula, psikologe që përfaqësonte Global Woman në Londër, synim kishin që përmes këtij seminari që firmat e dhe kompanitë që drejtojnë këto seminariste, të përfitonin në mënyrën e një udhëheqje më efektive, si një çelës suksesi të çdo organizate.
Në fokus forcimi i gruas në botë
Sa për njoftim “Global Woman Club” në Londër, paraqet një organizatë që ka në fokus të saj forcimin e gruas në botë, për ti ndihmuar ato të nxjerrin në pah dhe të kuptojnë potencialin që kanë për të arritur ëndrrat e tyre. Themeluesja e këtij klubi me qendër në Londër, por që numëron tashmë 17 degë në vende të ndryshme është zonja Mirela Sula, shkrimtare, gazetare, filologe dhe psikologe nga Shqipëria., e cila me ligjëratat e saj në Cyrih tërhoqi vëmendjen e pjesëmarrësve duke me rrëfimin e rrugës së saj përplot sfida në fillimet e mërgimit në Londër, por që duke u mbështet në angazhimin e saj personal përfitoi si në ngritjen e mëtejshme në fushën e udhëheqjes, duke realizuar më vonë edhe një biznes personal, por edhe që organizata që ajo sot, të bëhet një emër që kalon kufijtë e shtetit ku jeton, sidomos gratë në gjithë botën, përfshirë Shqipërinë, sa i përket përgatitjes së tyre për udhëheqje në sfera të ndryshe e sidomos në fushën e biznesit. Gjë që kjo doli në pah edhe gjatë seminarit në Cyrih ku femra të suksesshme shqiptare për të përcjell ligjëratat pos nga Zvicra, Gjermani e Suedia kishin ardhur edhe nga Shqipëria.
Pjesëmarrja në seminar përfitim dhe kënaqësi e veçantë
Deklarata nga radhë e pjesëmarrësve, Ylber Biba, Zvicër: Ishte një kënaqësi e jashtëzakonshme të jesh pjesëmarrës në këtë seminar për Lidership nga profesionist shqiptar të specializuar si Prof dr.Fadil Çitaku dhe dr.Mirela Sulo, ku fituam njohuri të reja dhe shkëmbim njohurish e përvojash.
Profesoresha Mirela Sulo, ligjëruese nga Londra: Këtë fundjavë kemi pasur një aventurë tjetër në misionin tonë për të kaluar nëpër botë dhe për të lidhur me shumë gra udhëheqëse që janë duke punuar në vende të ndryshme. Isha e privilegjuar që pata shansin kësaj radhe të bashkëpunojë me Akademinë e udhëheqjes të Zvicrës, themeluar nga Fadil Çitaku. Ishte kjo një eksperiencë e madhe, plot përmbajtje, lidhje të mëdha, mot i mirë e mbi të gjitha njerëz të bukur e mikpritës. Ndaj edhe një faleminderit Cyrih!
Zonja Mirela Sulo, në fund të seminarit edhe përmes fb nuk la pa përshëndet e falënderuar, krahas Fadil Çitakun, si shembull organizimi e udhëheqjeje ashtu edhe “shpirtin tim të dashur, motrat tona për këtë udhëtim të mrekullueshëm së bashku, që më bënë të ndihem edhe më mirë me prezencën e tyre.
Siguri më e madhe në udhëheqje
Kryetar i Lobit Shqiptar, Skenderbeg Klaiqi, nga Gjermania: Vërtetë e diela e fundit ishte një dite shumë e mire, sepse takova shume njerëz te mire në këtë seminar! Nga ky seminar, te drejtuar nga Prof Dr.Fadil Citak dola me i pasur me dije, ndërsa nga ligjërata e zonj. Mirela fitova një siguri ku tani po ndihem me i sigurte ne veprimet qe do ti marr. Respekt për ju te gjithë njerëz shume te mire qe ju takova. Krenar për ju!
Shkodrania që udhëtoi nga Stokholmi
Shkodrania që jeton në kryeqytetin suedez, Stokholm, Enerjeta Tafa: Dje në Academy of Leadership Sciences Switzerland,ku u mbajt Seminari dy ditor nga profesorët Fadil Çitaku dhe Mirela Sula ishte privilegj për mua që aty të takoj dhe te mësoj nga me të mirët.
Isak Shabani, Zvicër, falënderon profesor Fadilin nga keni i një shoku të hershëm, që ishte nder dhe kënaqësi qe se bashku, gra dhe burra, na bashkove ne një ambient te mrekullueshëm me kushte shume te mira pune dhe me një shërbim të mirë dhe me prani të Verës se Kosovës, Rahovecit! Shkëmbimi i dijes, përvojës dhe ajo qe mësuam nga Ti dhe Zonja Mirela, na vërtetuan se jemi ne rrugë te drejte dhe te sigurt të suksesit.
Falënderim i organizatorit të seminarit
Prof. Dr. Fadil Çitaku Ph.D. nga pozita e organizuarit të seminarit në Cyrih, në përmbyllje të tij, deklaroi se ishte kënaqësi e madhe për ne si shkencëtar e profesor të lidershipit, që përherë të parë në gjuhen shqipe të flasim para biznesgrave dhe biznesburrave shqiptar. Motivimi dhe gatishmëria për të zënë edhe më shumë dije e përfituar më shumë përvojë udhëheqëse, ishte edhe një dëshmi për arritjet e njerëzve tanë në vende të ndryshme, çka paraqet një mburrje të veçantë
Ndaj edhe Akademia e Shkencave të Lidershipit në Zvicër do i ketë gjithnjë dyert e hapura për të gjithë ato/ata që donë të bëhen të jashtëzakonshëm në fushën e Lidershipit në të gjitha drejtimet dhe profesionet. I falënderojmë të gjithë pjesëmarrësit për qasjen e tyre pozitive dhe aktive në këto seminare. Kjo na motivon që ne në të ardhmen të ofrojmë edhe më shumë seminare, workshop, kurse e programe edhe në gjuhen shqipe.
Ja edhe adresat elektronike të organizuesve të seminarit në Cyrih https://globalwoman.globalwomanclub.com/zurich-optin…
Akademia e shkencave të udhëheqjes Zvicër (www.alss-edu.ch) dhe
Klubi Botëror i Gruas (https://globalwomanclub.com/)

















































