9.9 C
Zürich
Dienstag, November 17, 2026

Shoqata “Parandalo” hap lokalin e saj në Orlikon të Cyrihut

Me rastin e inaugurimit të objektit të ri, ku morën pjesë anëtarë të shumë të kësaj shoqate (shqiptarë , zviceranë e të tjerë) që drejtohet nga humanistja e shquar Valdete Hoti e cila bashkë me Xhemal Selimin, udhëheqës të Qendrës së porsahapur “Parandalo”, përkujtuan se tash e tutje, lokali ofron kushte optimale si për shoqatën ashtu edhe për organizime të tjera humanitare, kulturore e arsimore edhe për grupe e shoqata të tjera

Teksti e fotot: Rexhep  Rifati

Hapja e djeshme solemne e Qendrës “Parandalo”  në Orlikon të Cyrihut, është edhe një dëshmi më tepër se kur punohet me shumë vullnet, zemër e përkushtim, pavarësisht nga sfidat dhe pengesat e natyrave të ndryshme , mund të ia arrish qëllimit në jetë. Për këtë shembull më i mirë është përkushtimi i jashtëzakonshëm që ka treguar e po tregon në jetë, humanistja e shquar shqiptare Valdete Hoti, e cila ndonëse në karrocë invalidi, ka arrit jo vetëm të kryej një shkollim të lartë profesional , por që tash e dy dekada të punojë pareshtur në aktivitete, që bazë kanë njerëzoren, socialen dhe luftën kundër çdo të keqe në shoqërinë ku jetojmë e veprojmë.

Këtu e 6 vjet më parë, Valdetja tuboi rreth vetes një grup shumë aktiv nga anët e ndryshme të Zvicrës, duke pas në rend të parë përkrahjen e veprimtarit e luftëtarit të palodhur Xhemal Selimi, si dhe të një rrethi të mirë aktivistesh, jo vetëm nga radhët e shqiptarëve por edhe përkatësive të tjera, pasi edhe shoqata e edhe kjo qendër janë të hapura për bashkëpunim dhe aktivitetet të përbashkëta edhe me të tjerët.

Aktualisht kryesinë e përbëjnë: Valdete Hoti , kryetare dhe anëtarët  Fatmir Salihu, Xhevat Hasani, Barbara Burri, Dije Shaqa, Xhemal Selimi , Ardita Jonuzaj dhe Drita- Shabani- Ibrahimi, njëherësh drejtuese e degës së shoqatës “Parandalo” në Bazel.

Me rastin e hapjes për rëndësinë e qendrës pos Valdete Hotit, Drita Shabanit- Ibrahimi e Xhemal Selimit e të tjerëve, përshëndetën në veçanti dy mikesha të mëdha zvicerane që për dekada ndihmojnë shoqatat shqiptare. Analiess Schneler dhe Barbara Burri, të cilat si edhe deri më tash ofruan përkrahje të pa rezervë.

Me të përfunduar të aktit solemn, përmes edhe të një apereje, morëm disa prononcime të shkurta nga drejtuesit e shqotës e të qendrës së porsahapur. Nga kryetarja e shoqatës, Valdete Hoti mësuam se shoqata jeton kryesisht prej një anëtarësie nga radhët e mbi 100 anëtarëve që ka dhe ndonjë donacioni mbështetës dhe se me gjithë këtë ka arrit deri më tash të orgaanizojë një cikël të tërë ligjëratash dhe podiumesh falë edhe gatishmërisë së ekspertëve të ndryshëm , qofshin ata shqiptarë apo të huaj, edhe atë jo vetëm në Cyrih por edhe qytetet të tjera, sidomos në Bazel ku ka degën e saj por edhe në disa qytete të Kosovës. Përndryshe qiraja e objektit është 1.200 franga ndaj edhe duhet zhvilluar një sërë aktivitetesh për mbulimin e saj, me shpresë so do të gjenden edhe afaristë shqiptarë e të tjerë që do të ndihmojnë në këtë drejtim. Ndaj edhe krahas organizimeve të tjera tash duhet menduar për çdo muaj si të mbulohet financiarisht edhe qiraja.

Udhëheqësi i Qendrës së porsahapur “Parandalo” Xhemaal Selimi potencon , se tash e tutje mund ti rrimë edhe më afër komunitetit shqiptar, por edhe komunitetit jo shqiptar, sepse qendra pos që do të merret me aktivitetet e deritashme, siç janë temat sociale, varësia nga droga, dhuna në familje, lojërat e fatit , por edhe përcjellja e shoqërime e individëve  përkatës deri tek institucionet gjegjëse zvicerane. Me një fjalë që tu dilet me kohë në ndihmë rasteve të kësaj natyre., përderisa ato nuk integrohen e të jenë të dobishëm jo vetëm për vete e familje por edhe shoqërinë ku jetojnë e veprojnë. Me një fjali sipas drejtuesit të saj, Qendra e parë e këtij lloji është një qendër kompetencash për këshilla, shoqërim, informacione dhe ndërmjetësim për njerëzit me prejardhje emigranti.

Përgjegjësja e degës në qytetin e Bazelit, Drita Shabani Ibrahimi , specifikon edhe dosa aktivitete që janë zhvilluar nga ana e saj në këtë qytet dhe përgjithësisht në kanton, ku Zyra për integrime dhe diverzitet i ka dalë në ndihedhe me rastin e mbajtjes së ligjëratave , duke sjell edhe emra të njohur si profesor doktor Stefan Werle  e të tjerë, ndërsa muajve në vazhdim dega do të organizojë edhe promovime librash dhe hapje ekspozitash.

Do thejsuar gjithashtu se ,  Shoqata “Parandalo” ndonëse selinë e ka në Cyrih, ajo  vepron në pjesën gjermano-folëse siç janë: Bazeli, Argau, Sangalla, Tuni e shumë kantone të tjera. Tash e tutje Shoqata “Parandalo” ka edhe ueb-faqen e saj ,  ndërsa telefoni me të cilën mund të komunikohet është:  076 419 11 10, ndërsa emaili info@parandalo.ch.

Zentrum Parandalo
Wallisellenstrasse 429
8050 Zürich
www.parandalo.ch